Naxçıvanda maşın 35 yaşlı kişini vurub AYAQLARINI QIRDI-FOTO

Naxçıvan şəhərində avtomobil 35 yaşlı kişini vurub.

Lent.az xəbər verir ki, hadisə şəhərin Əziz Əliyev prospektində (Naxçıvan Perinatal Mərkəzin qarşısında) qeydə alınıb.

Belə ki, Məhəmməd Hüseynovun idarə etdiyi 67-BC-915 dövlət nömrəli nişanlı “Ravon Nexia” markalı avtomobil yolu keçən Babək rayon Didivar kənd sakini, 1989-cu il təvəllüdlü Əliyev Elvin Mübariz oğlunu vurub.

Zərərçəkən Naxçıvan Muxtar Respublika Xəstəxanasının Travmatologiya şöbəsinə yerləşdirilib.

E.Əliyevin hər iki ayağı qırılıb, vəziyyətinin orta-ağır olduğu bildirilir.

Qəzanı törədən sürücü saxlanılıb. Faktla bağlı araşdırma aparılır.