Bütövlük Platforması toplandı – Foto

Azərbaycan Bütövlük Platforması İdarə Heyətinin növbəti toplantısı keçirilib.

XəzərNews.az xəbər verir ki, toplantıda ABP sədri Bəhram İsmayılın təklifi ilə həm Cənubi Azərbaycanın Xoy şəhəri həm də Türkiyədə baş verən zəlzələlərdə həyatını itirənlər anılıb.

ABP-nin təşkilati məsələlər üzrə sədr müavini Ruslan Rəsulzadə gündəliyi müzakirəyə təqdim edib.

Türkmənçay müqaviləsi ilə bağlı ABP-nin keçirdiyi tədbirlər İH tərəfindən müzakirə olunaraq qənaətbəxş hesab edilib.

Sonra təşkilati məsələlər müzakirə olunub.

“Milli Mənəviyyat” qəzetinin baş redaktoru Vəli Əliyev və ictimai fəal Xəyyam Hüseynov İdarə Heyətinə üzv seçiliblər.

Daha sonra ABP sədri Bəhram İsmayıl qarşıdan Xocalı faciəsinin ildönümünün gəldiyini və platformanın keçirəcəyi tədbirlər paketini müzakirəyə təqdim edib.

Daha sonra bir sıra məsələlər müzakirə olunub və uyğun qərarlar qəbul edilib.